د پنجاب سېلابونو د چارسدې پر سوداګرو منفي اغېز کړی
د چارسدې د مټې مغل خېلو د جامو، څادرونه، پکولونه او خامتا سوداګر وايي چې په دې وروستیو کې په پنجاب کې راغلیو سېلابونو د دوی پر کاروبار منفي اغېز کړی دی. دوی زیاتوي چې د جامو او څادرونو جوړولو لپاره به يې وړۍ له پنجابه واردوله خو هلته سېلابونو د مالوچو یا پمپې فصلونه خراب کړي چې له کبله يې مالوچ په بازار کې نه موندل کېږي او چې موندل کېږي نو بیې يې ډېرې لوړې دي.