د اسونو ځغاسته: پښتانه خپله کلتوري لوبه ژوندۍ ساتي
د اسونو د ځغاستې سیالۍ پښتانه خپله لرغونې او کلتوري لوبه ګڼي. د اسونو پالونکو په وینا، د سیالۍ لپاره د یو ښه اس تیارول پینځه کاله وخت نیسي. هغه سیالۍ په یخو ورځو کې کېږي. د پښین اوسېدونکي وایي چې د اسونو د ځغل لوبې ته له پخوا راهیسې د خیبر پښتونخوا، افغانستان او نورو سیمو خلک هم راځي او په دې سیالیو کې برخه اخلي. وخت په وخت دوی د اسانو د ځغل مېلې جوړوي او په سیالیو کې بریالیو لوبغاړو ته انعامونه ورکوي.د پښین په کربلا سیمه کې د ډېسمبر پرشپږمه مېلې د اسونو د ځغل یوه لوبغاړي مشال راډیو ته وویل چې که حکومت دې لوبو ته لږه پاملرنه وکړي، نو دغه کلتوري لوبه به تر ډېره خوندي پاتې شي. ویډیویي رپورټ