طالبان: پر کاج ښوونيز مرکز مو د بريد په تړاو مشکوک تن نيولی
د طالبانو حکومت وایي دوی پر کاج ښوونيز مرکز د بريد په تړاو یو مشکوک تن نیولی او پلټنې یې پیل کړې دي. په کابل کې د سېپټېمبر پر ۳۰مه پر دغه ښوونیز مرکز په ځانمرګي برید کې لږ تر لږه ۱۹ کسان ووژل شول او ګڼ نور ژوبل شول چې زیاتره يې نجونه زده کونکې وې. د دغه بريد ذمه واري لا تر اوسه چا نه ده منلې. اسوشیېټېډ پرېس اژانس په دې اړه ويډيويي راپور خپور کړی چې فرخنده اسد يې وړاندې کوي.