د پاکستان حکومت به څو اوونيو کې کور ته لاړ شي: اپوزيشن
د پاکستان اپوزيشن ګوندونو د واکمن تحريک انصاف ګوند او د وزيراعظم عمران خان د لېري کولو لپاره احتجاجي تحريک پيل کړی. په دې ترڅ کې۱۱ حکومت مخالفه سياسي ګوندونو لومړۍ جلسه د اکتوبر پر ۱۶مه د پنجاب په ګوجرانواله کې وکړه. اپوزيشن مشرانو په خپلو ويناګانو کې پر پوځ او حکومت سختې نيوکې وکړې. دوی وويل پوځ دې په سياست کې له لاس وهلو ډډه وکړي.
